Главна цел на Алтернативниот туризам

Главната цел е зајакнување на малите стопанства за проширување на туристичката дејност во алтернативните видови на туризам со фокус на екологија, спорт и култура.

                                                                                                                                                                  

Алтернативен туризам - Богатството во Македонија !

                                         

        Скриеното богатство не носи профит

Голем дел од нас ја знаат приказната за човекот со големото парче злато што љубоморно го криел од околината и секојдневно одел да го гледа и да му се восхитува за потоа повторно да го скрие и тоа го правел со години. Но, како што бива, ниедна тајна не останува вечна, па така тајната на овој човек била разоткриена од неговите соседи. Еден ден тие успеале да отидат до неговите тајни одаи и големото парче злато да го заменат со обичен камен со објаснување дека ако златото служи само за гледање, тогаш сеедно дали е тоа големо парче злато или обично парче камен. Исто така, приказната можеме да ја поврземе и со љубоморните родители што ја чуваат својата ќерка далеку од очите на додворувачите, затворена во моминската соба.

                                                     Богатството на Македонија

Токму овие две приказни ја отсликуваат состојбата на македонскиот туризам во 21 век. Сето природно и антропогено богатство на територијата на Република Македонија што го има во изобилство личи на скриеното богаство на скржавецот, и скриената девојка, а така е само затоа што не создадовме реални услови сите тие убавини на нашата земја да бидат достапни за туристите и затоа љубоморно само мал број од нас ќе отиде до одреден локалитет (нормално, ако има изградена инфраструктура да се стаса дотаму) и тоа доживување да го чува само за себе.          

 

                                                       Туризмот е приказна! 

Скриените парчиња злато во нашата Македонија (нашето природно и културно наследство) не треба да ги криеме само за себе, туку треба да го споделиме со соседите (странски туристи) и со тоа да овозможиме неговата вредност да порасне. Нашите убави девојки не треба да ги криеме (една од нив е и скаменетата невеста во Куклица), туку секојдневно да ги покажуваме на потенцијалните додворувачи (туристите) и пак да ги задржиме за себе. Но, сето тоа најмногу зависи од државата што не треба да биде ниту скржава ниту љубоморна во изработка на стратегија за тоа дали сакаме или не сакаме да развиваме туризам. Не е прашање дали можеме. Да, можеме, но треба да се одлучиме дали сакаме?.. И на крајот, да не се прашувате зошто почнав со приказна, да ја објаснам врската: туризмот е една голема приказна што треба да ја разубавиме и успешно да ја презентираме пред светот.                                                                                                               

                                       

                                        

                                    

 

Туризмот - феномен на современото живеење

                                             

Еднаш еден светски експерт од туризмот рекол: „Треба да бидеме сигурни дека туризмот ги почитува културите и човековата околина и оти приходите, што произлегуваат од него, се исто така наменети за рамноправна заштита на богатствата на наследството и наменети за зајакнување на културниот развој“.

                           

 

Квалификуван како ФЕНОМЕН на современото живеење, туризмот како стопанска гранка и кај богатите и сиромашните земји и региони во светот, постојано е предмет на економски анализи и развојни планови. Речиси и да нема катче на Земјината топка, каде што не се подготвува некој туристички пакет за понуда, а во кој се ставаат природните убавини, реткости, историските споменици, фолклорот, народните обичаи, гастрономските специјалитети...

 

                                          

Сè тоа е еден невиден натпревар меѓу земјите, тур-операторите, околу тоа кој колку големо внимание и број на туристи ќе привлече на своите морски или езерски плажи, на своите планини, метрополи, помали градови, рурални и еколошки средини, културно-историски споменици и сл.

                                              Мобилност и движење на населението

Во поново време туризмот се карактеризира со општа мобилност и движење на населението. Без оглед на мотивите, туристите кои патуваат и престојуваат надвор од својата земја, трошат одредена сума пари за задоволување на голем број разновидни потреби. Полза од овие девизни средства што ги трошат туристите во земјата каде што престојувале имаат речиси сите стопански и нестопански гранки и разни други дејности. Имено, туристите, кога плаќаат хотелски сметки, тие практично ги плаќаат трошоците на хотелиерите направени во други сектори на производство и услугите, со што туризмот има позитивно влијание врз целокупната економија на земјата, каде што престојувале туристите и трошеле девизни средства.

                                                  Вонпансионска потрошувачка

Туристите ги трошат девизите и надвор од хотелот, во трговијата, сообраќајот, разните други видови услуги, посети на културно-историските споменици, на забава, спорт и рекреација и слично. Во развиените туристички земји, овој вид на т.н. вонпансионска потрошувачка изнесува над 50 проценти од вкупните давачки платени за храна и престој во хотелот. Туризмот како стопанска дејност претставува економска појава со силно изразено влијание таму каде што тој настанува и ја врши својата основна функција - прифаќање и сместување, а истовремено и задоволување на голем број разновидни барања и желби на туристите. Тој со своето мултипликативно влијание во процесот на стопанисување, посредно или непосредно, поттикнува и вклучува повеќе стопански гранки и дејности во вкупната туристичка понуда. Во светски рамки туризмот, ако се развива правилно, професионално, процентуално може да вработи поголем број луѓе, во однос на другите стопански гранки.

Дефинирање на Алтернативниот туризам

Желбата за бегство од индустријализираноста и брзото темпото на живот придонесува луѓето сè почесто да го избираат алтернативниот туризам како начин на одмор во денешно време. Враќање кон природата, допирот со традицијата и сопствените корени се задоволства што современиот турист сè почесто ги бара.

              

Македонија има одлични услови за развој на велосипедскиот, културниот, винскиот, селскиот, пештерскиот туризам и еко-туризмот. Пределите како Вевчани, Брајчино, Коњско, Берово, се само мал дел од местата каде што може да се развива селскиот туризам и еко-туризмот. Имаме можност да понудиме одлични предели за планински велосипедски туризам на Шар Планина, Маврово, Галичица, Водно. Пештерите Врело, Пешна, Убава, Шаркова Дупка, Алилица, Слатинска, нудат можности за развој на спелеотуризмот или на рекреативниот туризам. Меѓу другото, Македонија изобилува со голем број на културно-историски споменици, бањи, национални паркови, а сето тоа, доколку се искористи, може многу да придонесе за развој на регионот и да се зголеми бројот на работни места.

  

Македонија има огромен потенцијал за развој на алтернативниот туризам, но она што најмногу недостасува е добра меѓународна промоција. Еден пример за тоа се Колешинските Водопади близу Струмица, кои од 2005 година се промовираат и оттогаш, па досега бројот на туристите се зголемил за сто проценти.

Промоција на Алтернативен туризам

                         

Туризмот има значајна улога во економскиот развој и преку него може да се привлечат нови инвестиции, да се креираат нови работни места и да се промовираат културните вредности и природните богатства на Македонија.

 Владата ќе продолжи да го поддржува овој сектор преку соодветни мерки, политики, конкретни проекти за изградба на модерна туристичка инфраструктура и промоција на Република Македонија како атрактивна туристичка дестинација во странство.

 Идниот развој ќе се темели на понуда дефинирана според компаративните предности на Македонија, пред си во делот на еко - туризмот, културен, езерски, зимски, спортски, ловџиски, конгресен, бањски, манастирски, археолошки, селски, планински и вински туризам.

                                             

                                            

                                          

                            Алтернативен туризам - Еко туризам и планински туризам:

- ќе се обезбеди помош на 10 општини годишно за изработка на стратегии за развој на еко и   алтернативниот туризам (континуирано);

- ќе се развие концептот на урбан рекреативен (активен) туризам во 5 туристички локации (континуирано);

- ќе се обезбеди поддршка за развој и промоција на зимскиот туризам на Попова Шапка, Маврово, Пелистер, Кожув, Крушево и Пониква (континуирано);

- Проект: Мега атрактивен скијачки центар „Попова Шапка“. Проектот вклучува изградба на нови жичари и ски-лифтови, инсталација за вештачки снег, нов хотел и други сместувачки капацитети (2011-2015);

- понатамошен развој и на зимскиот центар Пелистер преку концесионирање на ски-лифтовите и изградба на нови хотелски објекти (2012)

- нови локации за изградба на дополнителни комерцијални објекти и хотели во Маврово (2012)

- завршување на пристапниот пат и изградба на потребната инфраструктура до ски центарот Кожув (2011-2012)

- изградба на нов ски лифт и проширување на постојните ски патеки и друга туристичка инфраструктура во Крушево (2013-2014)

- изградба на потребната инфрастуктура за пристап до манастирите Зрзе и Трескавец (2013-2014)

- во соработка со градот Скопје, изградба на скијачка патека на планината Водно (2013);

- во соработка со градот Скопје, со ЈПП ќе овозможиме модернизација и проширување на Луна Паркот во Скопје (2013)

- промоција на Македонија за развој на конгресен и истражувачки туризам (2012- 2014);

- мапирање на туристичките знаменитости и обележување на сообраќајниците во регионите секаде каде е тоа потребно (2012-2014)

- развој на кањонот Матка во туристички центар со соодветен промотивен материјал, локации за изградба на услужни објекти и директна автобуска линија од Скопје (2011-2014);

- развивање на туристичките потенцијали на Осоговскиот и Малешевскиот регион, преку одредување на локации за изградба на услужни и сместувачки капацитети и сл. Ќе се поддржи изготвување на промотивни материјали за потенцијалите во туризмот и во останатите микро и планинарски региони и промовирање на локациите каде има водопади и пештери (2011-2015)

- развивање туристичка програма базирана на концепотот на „Активен одмор“, односно спортски и авантуристички туризам Поставување на патокази за најмалку 20 дестинации годишно за активен одмор (2012-2015)

- изградба на 60 километри туристичко рекреативни патеки по планините (Попова Шапка, Пелистер, Пониква, Кожув, Маврово и Голак ) (2012-2015)

Туризам

Туризам е патување за рекреација, одмор или бизнис цели. Светската туристичка организација ги дефинира туристите како луѓе кои „патуваат и остануваат во места надвор од нивната вообичаена околина повеќе од дваесет и четири (24) часа и не повеќе од една последователна година за одмор, бизнис и други цели кои не се поврзани со извршување активност исплатена во местото кое се посетува“.

 

 Хунцикер и Крапф, во 1941 год., го дефинирале туризмот како луѓе кои патуваат „збир од феномени и врски кои произлегуваат од патувањето и престојот на гостите, до степен кој нe води до постојано живеалиште и кој не е поврзан со заработувачка активност“. Во 1976 год., дефиницијата на Здружението за туризам на Англија била: „Туризмот е привремено, краткотрајно движење на луѓето кон дестинации надвор од местата во кои обично живеат и работат и нивните активности во текот на престојот на секоја дестинација. Тоа опфаќа движења со секакви цели.“ Во 1981 год., Меѓународната асоцијација на научни експерти во туризмот го дефинирала туризмот како одредени активности одбрани по избор кои се преземаат надвор од домот.

                                     

    Туризмот стана популарна глобална активност за одмор.

Стационарен или алтернативен туризам

                                                   
                                              

Во Македонија има околу 5-6 илјади квалитетни хотелски кревети со две,три,четири и пет ѕвезди. Од тоа на Охридското Езеро ги има околу три илјади и со добра пропаганда и нејзино професионално водење може да се пополнат околу две илјади кревети на период од околу 5 месеци или 150 дена, што би значело околу триста илјади туристи.

              

      Туризмот како феномен на денешнината, зазема се' позначајно место во економијата на секоја земја. Амбиција на секоја земја е, преку туризмот да привлече што поголем број странски туристи, кои ќе ги посетуваат и разгледуваат нејзините туристички и други убавини. Туристичкиот колач во светот е многу голем и секоја земја, мала или голема, се труди да освои што поголем дел од него. Секоја земја има своја туристичка понуда и преку неа во силната светска туристичка конкуренција, се обидува да освои што поголем број потенцијални туристи. Така и Македонија со својата туристичка понуда, се обидува да привлече што поголем број туристи во своите туристички места, езерски крајбрежја, градски и рурални средини,  природни убавини и друго.

                                        

Македонија исто така прави големи напори и вложува средства за пропаганда и афирмирање на своите туристички капацитети, се со единствена цела што повеќе туристи да ја посетат нашата земја. И формирањето на Државната агенција за туризам направена е со единствена цел, промоција на туристичките потенцијали на Македонија и привлекување на што поголем број странски туристи. Со еден збор, се работи за искористување на сите потенцијали, туристички, економски, човечки, се со единствена цел, да се привлечат туристите да ја посетат нашата земја што помасовно. Тоа ќе придонесе за пополнување на хотелските капацитети, транспорт, телекомуникација, посета на културно-историските знаменитости, археолошки локалитети, консумирање на повеќе храна и на овој начин, се остваруваат и поголеми финансиски средства. Со поголем број странски и домашни туристи во државата, се отвораат и поголеми можности за развој на т.н. алтернативен туризам или како што беше пред појавата на терминот алтернативен, се организираа полудневни, еднодневни и повеќедневни излети во државата. Сега овие излети и екскурзии се нарекуваат алтернативен туризам, што и во денешно време на развој на туризмот, може да се прифати и како таков термин. Имено поголем број од странските туристи што се стационираат во туристичките центри, особено на охридското крајбрежје, секојдневно ќе имаат можност во организација на домашните ТО, да ги посетуваат алтернативните форми на туризам :

- културно-историските споменици;

- руралните средини;

- посета на винарниците и дегустација на македонско вино;

- авантуристички излети;

- берење шумски плодови;

- посета на бачила во кои се прави сирење;

- посета на разни културни и традиционални манифестации за традициите и обичаите на Македонија и слично.

Фактот дека најголем број од туристите ќе бидат сместени на охридскиот брег, мора да се прифати како сосема нормален, бидејќи нашиот туристички центар Охрид и Охридското Езеро се најпознати како во регионот така и во светот. Впрочем, секоја земја си има свој туристички бисер, а тоа кај нас секако е нашето Охридско Езеро со градовите Охрид и Струга. Секако, дека во државата има и други туристички центри, многу убави и интересни места, градови, села, природни убавини и слично и со т.н. алтернативен туризам, се дава можност на странските туристи да ги посетуваат и запознаат и овие места.

                                       

 Дали алтернативниот туризам сам за себе како форма на развој на туризмот во нашата држава, може да се развива самостојно, или без помош на стационарниот -масовниот туризам ? На кој начин, во каква форма и колку туристи би привлекла нашата земја, исклучиво преку алтернативен туризам, а со тоа и колку средства ќе бидат остварени од него?Мислам дека без вложување во промоција на нашиот најголем туристички центар Охрид и Охридското Езеро, и привлекување што поголем број странски туристи, развојот и ефектите од алтернативниот туризам нема да бидат значајни.

На крај ќе завршам со конкретен пример. Имено во Македонија има околу 5-6 илјади квалитетни хотелски кревети со две, три, четири и пет ѕвезди. Од тоа на Охридското Езеро ги има околу три илјади и со добра пропаганда и нејзино професионално водење може да се пополнат околу две илјади кревети на период од околу 5 месеци или 150 дена, што вкупно би значело бројка од околу триста илјади туристи. Убеден сум дека барем половина од овие стационирани гости на Охридското Езеро, ќе бидат корисници - туристи за т.н. алтернативен туризам. Ова значи и секојдневно крстосување на дваесетина и повеќе автобуси низ државата, односно одлична посетеност на повеќето видови алтернативни видови туризам низ целата држава.Се надевам дека ова мое размислување ќе даде поголем поттик на домашните ТО за поголемо ангажирање и доведување што поголем број странски туристи во државата, што е и цел на секоја земја.

Алтернативен туризам - промоција и маркетинг

 

  Светската туристичка организација (The World Tourism Organization) го дефинира одржливиот туризам како „туризам кој се реализира преку менаџмент на сите ресурси, на таков начин што економските, социјалните и естетските потреби ќе бидат задоволени истовремено со одржување на културниот интегритет, важните еколошки процеси, биолошката разновидност и системите за поддршка на живиот свет“.

Овие принципи означуваат дека одржливиот туризам се држи на четири столбови: економска, еколошка, културна одржливост и одржливост на заедницата. Во развојот на овие четири принципи главни учесници се локалната економија (бизнисот), локалната заедница (населението) и локалната екологија (претставена од локалните менаџери за животна средина). Секоја локална заедница – општина (мала или голема) ги има главните учесници инволвирани во развојот на одржливиот туризам.

 

                            

                              

                                   

Алтернативниот туризам ги комбинира туристичките производи и услуги поинаку споредено со масовниот туризам во однос на набавките, организацијата и човечките ресурси. Алтернативниот туризам, меѓу другото, може да биде рурален, екотуризам, авантуристички, тематски (поврзан со културното и историско наследство), религиски, вински и друг вид туризам.

Руралниот туризам се фокусира на партиципирање во руралниот начин на живеење и на тој начин претставува варијанта на екотуризмот. Секоја рурална населба или село може да биде туристичка атракција - добро зачуваната природа, автентичните рурални предели и традиционалниот начин на правење вино, на пример, се дел од предусловите за развој на производот/услугата - алтернативен туризам.

        На промоцијата ќе се обработат следните теми:

• разбирања за потребите од одржлив развој на туризмот
• туристички производ и услуги (природа, карактеристики, класификација), 7П
• подготовка на проектни и бизнис-планови за одржлив развој на туризмот во регионите од заеднички интерес
• маркетинг-концептот во одржливиот туризам
• видови алтернативен туризам и можности во Македонија
• алтернативен наспроти масовен туризам
• 4П на маркетингот за алтернативни видови туризам
• квалитетот - најважен концепт
• воведување на методите на е-туризмот при менаџирањето на одржливиот туризам
• подготовка на маркетинг-стратегии за развој на алтернативен и рурален туризам во рамките на принципите за одржлив туризам

                                  
  Туристичкиот маркетинг е дефиниран како „континуирана адаптација на туристичкиот производ наспроти пазарот на кој е насочен“.

 
Специфично за туристичкиот производ е тоа што тој може да се консумира само на местото каде е произведен.

 Исто така, туризмот е комплексен производ, бидејќи за негово производство работат заедно повеќе бизниси и агенции во соработка со јавниот сектор. Поради тоа, за успешен маркетинг на туризмот во одредена дестинација, регион или држава е потребна соработка на сите учесници во подготовката на туристичкиот производ, за тој да може како интегриран производ да му се понуди на потрошувачот - туристот.

  

                                                            

                                                          

                                                            

       

                                              

Видови Алтернативен Туризам

Има повеќе видови Алтернативен туризам од попознатите се: Еко-Туризам, Рурален Туризам, Планински Велосипедизам, Алпинизам, Параглајдерство, Хербален Туризам, Спеолошки Туризам.

                                                  

        Екотуризам– современ туризам

Еко-туризмот претставува современа форма на туристичка алтернатива. Таа произлегува од суштествената потреба на човекот за враќање кон природата, во услови кога под наплив на урбанизацијата и индустрилизацијата доаѓа до потиснување на “чистата природа”. Се поретки се можностите да се биде во простор со автентични вредности. Така туристите се поттикнуваат за посета и престој во  средини во кои еко-системите како вредност претставуваат основа за заштита. Заштитените средини се пак подрачја во кои постојат потенцијали за еко-туристички активности.

Екотуризмот е нов вид туризам, современ, со голема перспектива и претставува важна гранка во туристичката индустрија. Тој се создава и бргу се развива како алтернатива на масовниот туризам. Се базира на одговорно искористување на природата и се користи како инструмент за постигнување на одржлив развој. Секогаш се грижи за водење и сместување на мали групи туристи во природни области со интегрирани образовни програми и тесна соработка со локалното население. Терминот екотуризам првпат се споменува во трудовите на Милер (1987 година), додека во 1991 година Меѓународното друштво за туризам (ТИЕС) ја формулира првата дефиниција за екотуризам што гласи: „Екотуризмот е одговорно патување во подрачјата на природата, со што се зачувува животната средина и се одржува благосостојбата на локалното население“.

Екотуризмот овозможува значајна економска корист за многу земји, региони и заедници. Од нив можеме да ги споменеме: Галапагос, Костарика, Танзанија, Кенија, САД и други. Сите овие земји се карактеризираат со недопрени подрачја, со големи природни убавини, богат биодиверзитет и со богато историско и културно наследство. За спроведување на екотуризмот задолжително треба да се вклучуваат повеќе учесници, како владата, локалната заедница, невладини организации и др.

Македонија изобилува со природни убавини и реткости, но и со богато историско културно минато. Многумина ја нарекуваат „бисер на Балканот“. Основни региони со можност за развој на екотуризмот се националните паркови (Галичица, Маврово, Пелистер), различни локалитети со карактеристична историја и природа со богат биодиверзитет (голем број ендеми), пештери, водопади и друго. Во Република Македонија не е јасно дефинирана законската рамка што се однесува на развој на екотуризмот, но охрабрува тоа што постои свест за потребите од развој и афирмација на овој вид туризам. Оваа определба е утврдена во повеќе развојни документи, но посебно е потенцирана Националната стратегија за развој на туризмот (2008-2012). Ќе ја реализира ли Македонија оваа стратегија и ќе придонесе ли за развојот на нашата економија... останува да видиме!

           

 

                                                         Рурален туризам

   Руралниот туризам претставува специфичен, алтернатгивен вид туризам диференциран врз основа на мотивската атрактивност на селските средини со зачувани традиционални карактеристики.

Тоа се средини во кои туристите можат да се занимаваат со полјоделски, сточарски активности, преработувачко и занаетчиско производство со традиционални карактеристики, учество во свечености и манифестации, седенки и фолклорни средби. Туристите ги привлекува незагадената животна средина, чистиот воздух и свежата изворска вода, селската идилична колоритност, традиционалната селска архитектура и екстериери, ентериетното уредување и опремување со традионални содржини, традиционалните семејни односи и средбите со домашните животни и миленичиња.

За туристите од атрактивно значење е традиционална храна и пијалоци. Во тој поглед атрактивно е активното учество на посетителите како во подготвувањето така во сервирањето и послужувањето. Покрај храната и пијалоците како мотивска атрактивност со традиционални карактеристики за туристите е интересна и свежата свежата и биолошки исправна храна и храната со органогени карактеристики. Развојот на руралниот туризам е во врска со бачилското сточарење како специфичен начин на номадски живот кој претставува посебна атрактивност за туристите. Активностите се однесуваат на учество во напасувањето на овците, нивното молзење, прехранување, преработка на млекото и производство на млеќни производи, подготвување и служење на споецијалитети сврзани со бачилското сточарење. Традицијата на бачилското сточарење е присутно во Галичник, Г. Белица, високиот дел на атарскиот простор на Вевчани, Подгорци, Лабуништа и Лакавица од западниот дел на Р.М, како и делови од Малешевијата и Осоговските планини од источниот дел на Р. Македонија. Равојот на овој вид туризам поседува забележителни рекреативни карактеристики кои се сврзани со разгледување на селските предели и активен одмор.

Во културна смисла овозможува откирвање на специфичлни традиции и елементи кои ги облагородуваат посетителите со својата реткост и некатадневснот. Со развојот на руралниот туризам се овозможува подобрување во коридтење на ресурсите и начинот на живот, а во општествено-економска смисла спречување на иселување и отварање на процеси на враќање и доселување на нови жители.

Под поимот рурален туризам се сретнуваат разни називи: еко – туризам, селски туризам, агро –туризам, еко рурален туризам и сл. Руралниот туризам е концепт на туризам во селските домаќинства, кој се темели на користење на руралниот простор во контекст на туристички понуди. Надвор е од урбаните населби и нема масовен облик. Руралниот туризам подразбира поттикнување на развојот на нови туристички дестинации на континентот. Дел е од континенталниот туризам. Се одвива во селските стопанства чија егзистенција се темели на земјоделството, а вишокот од своите производи го пласираат низ новиот продажен канал – туризам.

Македонија како планинска земја со голем број села, со благи климатски услови, со богатство на шуми, извонредни пејзажни вредности на релјефот, богата хидрографија, традиционална гастрономска понуда има голем потенцијал за развој на руралниот туризам како дел од алтернативниот туризам.

За занимавање со рурален туризам или некој негов дел, треба да се проверат предусловите од опкружувањето, некои сопствени предности, како и предусловите на своето домаќинство.

Оние кои решиле да се занимаваат со рурален туризам можат да понудат:

- Угостителски услуги во домаќинството – само со издавање на соби, апартмани или куќи за одмор.

- Угостителски услуги во селско домаќинство – на групи од излетници дневно, претежно со храна и напитоци од свое производство

- Угостителски услуги на пловен објект и сл.

Во занимавањето со рурален туризам предност е тоа што селските стопанства заработувачката ја остваруваат во своите сопствени дворови, тоа подразбира активно вклучување на целото семејство.

Руралниот туризам не е капитално интензивна гранка со голем профит, туку повеќегодушно вложување и уште подолгорочен поврат на вложените средства.

Овој тип на туризам е посебно атрактивен за странските туристи и луѓето кои доаѓаат надвор од Македонија, а работат или престојуваат во државата.

Освен со продажба на сопствените производи, приход се остварува и со услуги за сместување, храна, и одредени други активности – непосреден контакт со домашните животни, учествување во земјоделските работи, варење ракија, јавање и сл.

Во Македонија е отворен факултет за Менаџмент на еколошки и рурален туризам преку кој се задоволуваат по тре би те на раз лич ни те ни воа на ко рис ни ци за ва ков вид на едукација.

Покрај тоа се почесто се организираат обуки и работилници за рурален туризам и други сродни области, организирани од земјоделски советници и невладини организации.

 Препознавајќи го потенцијалот посебно за развој на руралниот туризам, Владата преку финансиската поддршка на Секторот за рурален развој и основање Агенцијата за финансиска поддршка на руралниот развој и Агенцијата за промоција и поддршка на туризмот даде системска поддршка за развој на руралниот туризам.

За развој на руралниот туризам, можат да се искористат и неповратни финансиски средства од европските и светските фондови.

 

 

 

                                                    Планински велосипедизам  

Планискиот велосипедизам се јавува како алтернатива на класичниот велосипедизам кој се одвива во рамни простории или во простории со релативно благи наклони. Во неговата основа е содржана потребата од велосипедско совладување на предели со бројни нерамнини и тешко проодни карактеристики за вакво возење и пред се, совладување на планинските страни. Велосипедските патеки од овој вид се карактеристични по релјефна и почвена структура со различните наклони и присуство на каменити, водотечни вегетациски и други пречки, како и комуникации кои водат до вакви терени. Тоа значи дека туристите припаѓаат на структурата на побарувачката која има рекреативни потреби сврзани со велосипедизмот, љубов кон природата и желба за соочување со предизвици.
Не постои подобар начин да избегате од секојдневието во природата со вашиот велосипед специјализиран за планинска подлога и да се впуштите во адреналинска авантура.

 

                    Планински велосипедизам на Пелистер

Хотел Молика и уникатите пејзажи на Националниот Парк Пелистер ги овозможуваат едни од најатрактивните и највозбудливите велосипедски доживувања.


Со особено задоволство Ви ги претставуваме велосипедските патеки:

Велосипедска патека „Големо Езеро“

• Должина на патеката - 35 км
• Времетраење на патеката - околу 6 часа
• Тежина на патеката -  тешка
• Амплитуда на надморска висина - 1420 м. – 2180 м. – 1420 м.

Опис: Патека по земјен пат со можност да се доловат прекрасните видици на Пелистер која е поделена на три периоди од кои најтежок е средниот на искачување. Препорачлива е за искусни учесници.

 

Кружна велосипедска патека „Бегова чешма – Големо езеро – Ниже поле“

• Должина на патеката - 45 км
• Времетраење на патеката - околу 8 часа
• Тежина на патеката -  тешка
• Амплитуда на надморска висина - 1420 м. – 2180 м. – 900 м.– 1420 м.

Опис: Комбинирана патека преку која се прави кружен тек низ Националниот парк Пелистер, возејќи на враќање на дел од патеката по асфалтен пат до хотелот Молика. Препорачлива за искусни учесници.

Велосипедска патека „Маловишта“

• Должина на патекат - 35 км
• Времетраење на патеката - околу 4 - 5 часа
• Тежина на патеката - средна
• Амплитуда на надморска висина - 1420 м. – 1150 м. – 1420 м.

Опис: Патека до единственото населено место во рамките на
Националниот парк, селото Маловишта, кое изобилува со фолклорни мотиви, стара македонска архитектура, цркви и манастири со препознатлива историја. Препорачлива за поширок круг на планинарски велосипедисти.

Есктремна велосипедска патека „Копанки

• Должина на патеката - 1,9 км
• Времетраење на патеката - околу 5 минути
• Тежина на патеката - тешка
• Амплитуда на надморска висина - 1636 м. – 1320 м.

Опис: Патека со стрмни делови, погодни природни скокови со
Велосипед, доста брза и наменета за натпревари од ваков вид
на спортски учесници.



Секако дека околината која изобилува со прекрасни пешачки патеки и го опкружува нашиот хотел е исто така погодна за реализација и осмислување на пократки Велосипедски тури кои би можеле да е вклопат во престојот на гостите кои имаат намера да не посетат.

                                                                Алпинизам

Алпинизмот е една од најпопуларните алтернативни форми на туризмот. Етимолошки потекнува од освојувањето на Алпите кои пак се синоним на високи планини. Активностите претставуваат освојување на високите врвови и стрмни отсеци. Треба да се констатира дека ваквите релјефни форми претставуваат основа за развојот на оваа дејност.

Карактеристично е дека се работи за алтернативна туристичка форма во која сезонските влијанија не се нагласени како кај другите видови туризам и алтернативни активности. Ваквата вредност овозможува проширување на сезоната.

Со алпинизмот се занимаваат посетители кои се добро извежбани за освојување на високи врвови, но и почетници. За разлика од алпинистите кои се добро истренирани, почетниците во алпинизмот наоѓаат можност да се стекнат со знаења и вештини за совладување на височините. За оваа намена се користат отсеци во планинскиот простор. Покрај тоа, на карпестите отсеци можат да се организираат тренинг и искачувања за почетниците.  „Алпинизам е комплекс на активности кои во основа се сведуваат на движење по непристапни и неуредени планински предели и карпи исклучително од „спортски“ (во смисла на сила, брзина и достигнување), естетски и контемплациски т.е. духовни потреби.“„Најдобар алпинист е оној кој најдобро се забавува!“

Највисок степен на достигнувње во планинарењето е алпинизмот. Тоа е движење по карпести планини при што не се користат планинарски патишта, туку разни смерови по карпите. Алпинизмот бара постојана физичка кондиција, големо искуство и познавање на техниката на качување. Алпинизмот претставува естетско доживување и спортско делување во планините во секое годишно време заради откривањена убавините и занимивлостите на природата, како и заради јакнење на физичката сила, издржливоста и волјата. Највидлив дел од алпинизмот е физичката работа т.е. качувањето по карпи. Тоа се нарекува алпинистика. Духовната компонента е моторната сила која со него доминира.

Алпинизмот е активност која се извршува на планина и пред се алпинистите се планинари. Единствена разлика е тоа што тие сакаат да ги посетуваат малку “пострашните” делови од планината, тие кои се со карпи или кои се многу стрмни и кои најчесто можат да се качуваат само со специјална опрема.

Алпинизмот со нашите очи го гледаме како активност во која некој човек употребувајќи специјална опрема се качува на некоја карпа или пак на голема снежна планина. Најчесто луѓето не го разбираат алпинизмот - тие премногу гледаат со очите и премногу размислуваат, наместо барем за една секунда да го употребат своето срце.    

                                                               Параглајдерство

    Параглајдерството преставува летечка алтернативна форма која овозможува, со помош на посебно летало, да се совлада просторот по воздушен пат. Се добива впечаток дека со летањето на овој начин параглајдеристите всушност, својата активност ја темелат на имитацијата на летот на птиците. Притоа, ги користат воздушните погодности како што се благите ветрови или воздушните тишини, отсуство на магла и слаба облачност. Исто така, основа за развој претставуваат и високите врвови и отсеци, кои се користат за полетување.

Туристичката клиентела во оваа активност е клиентела со специфични афинитети и склоности. Основа за параглајдерството се рекреативноста и куриозитетноста во издигнетоста над планинскиот простор. Богатството на различни природи и антропогени содржини овозможуваат ретко пејсажно и панорамско доживување. Тоа се однесува не само на тесниот планински предел, туку и на целиот регион, исполнет со извонреден колорит и ретка комбинација на вода, копно и шумовидост.

Со ваквата активност може да се занимаваат само извежбани параглајдеристи. Затоа е потребно просторните погодности да се искористат и како можност за тренинг активности за параглајдерство за што можат да послужат и пониски врвови.

Лек против стравот. Повик во авантура. Слобода. Мир. Тишина. Блискост со природата и претворање на сонот во стварност. Може да се каже дека тоа е она што секој човек го посакува.

Параглајдерството е најмлада и најмасовна воздухопловна,  забавно-рекреативна и спортска дисциплина, како во светот така и кај нас. Овој нов вид спорт и  забава во светот за кратко време стекна околу милион љубители.

Она што параглајдерството го прави посебно е директниот контакт и активното дружење со природата. Пред сè, пронаогање себеси во просторот што нè опкружува.

 

                                                              Хербален туризам

   Пред било какво започнување со хербален туризам, населението мора да има предвид дека има точно одредени насоки како да се собираат растенија за да не се уништат трајно одредени видови. Исто така, изнесување на растителен или животински материјал од државата е казниво со закон затоа што многу растенија и животни се заштитени со меѓународната конвенција CITES која забранува тргување и преминување на границата со таков материјал.

Хербален туризам основата за развој на туризмот треба да се бара и во богатаата вегетациска разновидност. Тревнатата флора, застапеноста на букова, брезова и борова шума се можност за наблудување, престој и собирање и на цветови, лисја, плодови, кора, смола и корени. Како развојни зони и локалитети за оваа намена треба да се определат следниве: Боро Поле, Копање, Рудине, Долина на Оча и др

Поради разновидноста на просторот има можности за развивање на алтернативни и адреналински начини на туризам преку изградба на: локации за банџи џампинг, зоолошки градини со автентични животни, јажени градини за деца и возрасни, жичници за транспорт на туристи и алтернативни забавни жичници, ергели за коњи и др.

Како еден ос најзначајните видови туризам во рамките на оваа критериумска група е кампинг туризмот. Погодни локалитети за овој туризам се локалитетите:

-Копање (авто камп, манифестации) -Белица (извиднички детски камп и истражувачки центар)

          

 

                       Спелеолошки туризам

   Овој вид туризам сеуште не е промовиран и постојат услови за развој и посета на само неколку пештери во Македонија. Ова значи дека пештерите се уште не се доволно проучена и засега нема можности да се користат како туристичка атракција туку само во насока на едукативни и научно-истражувачки активности.

Во рамките на овој вид туризам посебно место заземааат површинските и подземните карстни форми. Како површински карстни форми импресивен карактер имаат вртачите. Тие се со примерен едукативен карактер, затоа што се најзастапени и со највпечатливии димензии. Анфитеатралните карактеристични облици овозможуваат одржување на едукативни, културни и промотивни активности. Како локалитети за оваа намена треба да се определат вртачите: во Радово, Копање, Шиовец, Боро Поле и високите делови на Караџица.

Посебно богатство за развој на туризмот претставуваат подземните карстни форми во вид на пештери и пропасти. Уредувањето на внатрешноста и околниот простор овозможува развој на типски спелеолошкиот туризам.

Значајни спелеолошки објекти се: Пропаст- Јасика, пештера Врело-Матка, Убава-Матка, Пропаст Срт-Ивање, Голема пеш-Здуње, Црна пеш-долина река Оча, пропаст Ситоица-Рудине како и пропасти наменети за алтеренативен туризам и тоа: Словачка Јама, Шиовец 1, Копање 1 и 2, Радева Нива и др.  

                                                 Спелолошки Активности На просторот на кањон Матка се евидентирани 10-ина пештери и 2 пропасти.
Спелеолошките објекти може да имаат одредена намена според Студијата за заштита на природното наследство за Просторниот план на Република Македонија (1999). Таа може да биде:
1.Научно-истражувачка намена може да има објект или подрачје кое служи за научно истражување на неживата природа и нејзините процеси.
2.Студиско-демонстративната намена се однесува за објект кој служи како нагледен пример за некоја природна појава или процес (пр. за високо образование).
3.Образовно-воспитна намена имаат објектите кои се нагледни, односно може да служат за запознавање на природата и нејзините законитости (за училишта од понизок степен) и се наменети за посета на широката јавност.
4.Рекреативна намена има објект или подрачје кое е погодно за одмор и разонода во природа.
5.Еколошка намена имаат локалитетите кои претставуваат прибежиште (рефугиум) за загрозени растителни и животински видови.
6.Стопанска намена може да има одреден локалитет доколку не е во спротивност со заштитата.
Дел од анализираните пештери се со поголеми димензии па поради тоа е можна нивна стопанска (туристичка) намена. Истото се однесува и за пропастите. Пред да се изврши туристичко уредување на овие простори неопходно е изработка на стручни елаборати со цел да се утврди можното нарушување на микро просторот во објектите. 

                                                                          

                    

AЛТЕРНАТИВЕН ТУРИЗАМ

 Алтернативните развојни форми не се спротивставени на основните туристички видови туку претставуваат компонента на взаемништво.

Покрај изворноста на активностите што ги даваат алтернативните видови туризам, овие форми претставуваат фактор на вкупниот развој на просторот и туризмот како дел од развојните компоненти. Исто така, тие се и фактор за развој на основните форми, а ја поттикнуваат вкупната посетеност на регионот. Меѓутоа, за разлика од масовниот туризам во кој посетеноста има концентриран карактер, алтернативното зголемнување на посетеноста има дисперзивно значење, односно туристите се распоредуваат на повеќе локации. Алтернативните форми на туризам се фактор кој овозможува вклучување на разлиучни сегменти на туристичката побарувачка. Имено, на овој начин различните афинитети на туристичката клиентела може да најдат атрактивни содржини. Така ќе ги задоволат своите барања сврзани со забележителна пребирливост. Преку алтернативните форми на туризам се овозможува поддршка во напорите да се заштитат егзотичните средини, ретките колорити на пределите, недопрената природа, традиција и култура и да се активираат преку нивна посета. Македонија поседува непроценливо природно богатство.

    Таа е облагородена со извонредни предели во кои чистиот воздух предизвикува вистинско уживање. Расчленетиот релјеф, проткаен со бројни форми, различните идилични пејсажи и колоритот на вегетацијата ја определува како една од најатрактивните во овој дел од светот. Тоа е причина повеќе да ја заштитиме и да ја оставиме во наследство на идните генерации. Од овој вид туризам, корист треба да извлече целото општество, а посебно локалното население кое живее во областите погодни за овие форми на туризам. Придобивките треба да се бараат во различни области. Меѓу нив туристичкиот развој заслужува посебно внимание. Туризмот претставува можност за користење на заштитените подрачја на одржлив начин. Тоа е во исто време начин да се користи, штити и унапредува животната средина, богата со инзвонредни природни и внесени (од човекот) содржини и елементи. Развојот на алтернативните форми на туризам е посебно значаен во подрачјата во кои постои автентична природа и културно наследство сврзани со можности за рекреација, културни доживувања и забава. Исто така за успешно развивање на алтернативниот туризам отворена  е и првата е-продавница во Скопје.

            Отворена првата е-продавница за     

                      алтернативен туризам

„Резервирај ме„ е новата електронска продавница која  беше промовирана од страна на министерот за информатичко општество и администрација, Иво Ивановски. Станува збор за прва е-продавница за алтернативен туризам во Република Македонија, која е дел од владиниот проект за субвенционирање на 30 електронски продавници, како најдобри бизнис планови.

„Денес можеме да ги запознаеме граѓаните со уште една е-продавница финансирана од МИОА, www.rezervirajme.com на која што граѓаните ќе можат да резервираат поголем број услуги, како што се хотелски сместувања, резервации во ресторани, спортувања, тури за алтернативен туризам и голем број други услуги, кои постојано се надградуваат.„- истакна министерот Ивановски на промоцијата.

Според претставникот на е-продавницата Билјана Стефановска, станува збор за проект на граѓанската организација ОРТ, за отварање на прва еко-социјална е-продавница, чиј профит ќе биде наменет за организирање на еколошки и социјални кампањи.

„Со секоја резервација се придонесува за заштита на животната средина, вработување на долгорочно невработени лица, и едукација на деца од основни училишта.„- рече Стефановска.

Министерот Ивановски додаде дека од претходните електронски продавници кои се веќе промовирани, продавницата за детска облека „Tilla stylish kids wear„ во Прилеп досега има 10.548 посетители, „Macedonian Handicrafts“ во Охрид има над 5.300 посети, а веледрогеријата Марти Алко над 3.600 посетители за само десетина дена од отворањето. Па така се надеваме дека ќе биде многу успешен проект и ке придонесе многу во Алтернативниот туризам во Македонија.

Туризмот во Македонија

   Туристичката индустрија ја има достигнато фазата на зрелост. Денес туристите се поискусни и поселективни во нивниот избор за одмор, во однос на дестинацијата и активностите. Туристичките агенции не е доволно само да презентираат одредени дестинации и да чекаат туристите да им дојдат. Во туристичката индустрија сè популарен е и во подем феноменот – туристите да посетуваат места на кои се снимани популарни филмови. Некои туристички агенции, согледувајќи ги овие придобивки, успешно ги зголемија своите продажби преку магијата на филмот.

Примери за овој нов вид туризам има многу. Американската ТВ-серија „Сексот и градот“ со својата популарност доведе нови туристи во Њујорк. Дури постојат и посебни тури каде што се вклучени ресторани, бутици, барови и клубови во кои се снимаше „Сексот и градот“.

Друг добар пример е филмот „Кодот на Да Винчи“ по истоимениот роман на Ден Браун, со Том Хенкс во главната улога. „Визит Британ“, француската туристичка агенција „Мејсон де ла Франс“, „Новотел“ и „Еуростар“ се обединија како официјални партнери на „Сони пикчрс“ и создадоа интернационална кампања за зголемување на туризмот во Лондон, Париз и Единбург, кои беа дестинации во филмот. Најпопуларната кампања на „Еуростар“ - „Вклучи се во потрагата“ се состоеше од натпревар во барање знаци и докази. Првите пет финалисти патуваа во Лондон во јуни 2006 година за големото финале, а награда вклучуваше бесплатно доживотно патување со „Еуростар“; одмори во „Риц“, Париз, и „Клариџис“, Лондон, и парична награда од 258 илјади долари.

За овој феномен на растечки посети на дестинации застапени во популарните филмови, сведочи и примерот на влијанието на филмовите на Хари Потер. Организацијата „Визит Британ“ во ноември 2001 година ја лансираше кампањата „Откриј ја магијата на Британија“, во која беа вклучени 32 локации од филмовите на Хари Потер. Побарувањата за Британија како туристичка дестинација во Америка се зголеми за 300 проценти.

   Филмови има за секој период од годината. Ова е периодот на новогодишните филмови што ни даваат идилична слика за убаво накитени елки во некои од метрополите каде што природно ни се раѓа желбата да посакаме да бидеме таму за овој период од годината. Сето ова ме потсетува на чекање на првите неколку слободни денови и уживање на овие брендирани туристички дестинации и трошење мало семејно богатство само поради тоа што за овие туристички места ни имаат направено совршена слика и место што морамe да го видиме.                                   

    

      Алтернативен туризам во Македонија

Желбата за бегство од индустријализираноста и брзото темпото на живот придонесува луѓето сè почесто да го избираат алтернативниот туризам како начин на одмор во денешно време. Враќање кон природата, допирот со традицијата и сопствените корени се задоволства што современиот турист сè почесто ги бара.

Македонија има одлични услови за развој на велосипедскиот, културниот, винскиот, селскиот, пештерскиот туризам и еко-туризмот. Пределите како Вевчани, Брајчино, Коњско, Берово, се само мал дел од местата каде што може да се развива селскиот туризам и еко-туризмот. Имаме можност да понудиме одлични предели за планински велосипедски туризам на Шар Планина, Маврово, Галичица, Водно. Пештерите Врело, Пешна, Убава, Шаркова Дупка, Алилица, Слатинска, нудат можности за развој на спелеотуризмот или на рекреативниот туризам. Меѓу другото, Македонија изобилува со голем број на културно-историски споменици, бањи, национални паркови, а сето тоа, доколку се искористи, може многу да придонесе за развој на регионот и да се зголеми бројот на работни места.

Македонија има огромен потенцијал за развој на алтернативниот туризам, но она што најмногу недостасува е добра меѓународна промоција. Еден пример за тоа се Колешинските Водопади близу Струмица, кои од 2005 година се промовираат и оттогаш, па досега бројот на туристите се зголемил за сто проценти.